Varfëria dhe uria janë çështje të rëndësishme në Shqipëri.

Në Shqipëri, ka pothuajse gjysmë milioni njerëz që jetojnë nën vijën e varfërisë. Ata kanë rreth 2.8 euro në ditë për shpenzimet e tyre personale. Ndërsa popullsia në rrezik varfërie përllogaritet rreth 19.7% (ref. INSTAT).

Në shkallë kombëtare, familja mesatare shpenzon 40% të buxhetit të tyre për ushqim. Megjithatë, sa më i ulët buxheti i familjes, aq më e madhe është përqindja e buxhetit që përdoret për ushqim të përditshëm.

Familjet më të margjinalizuara mund të përdorin deri në 80% të buxhetit të tyre për ushqim.